لا تغفل عن الرقـــــــــــــ940ـــــــــــــــــم...؟؟!!!

لا تغفل عن الرقـــــــــــــ940ـــــــــــــــــم...؟؟!!!

لا تغفل عن الرقــــــــ 940 ــــم


سالفة صارت أمس وقفت عند احد مطاعم الفلافل وأنا كنت انتظر الطلب

وقف راعي سيارة ونزل وطلب

الشاب سال العامل السوري ليه لابس قفاز واحد جاوب السوري هذا اشتغل فيها وهذا أحاسب به والعامل السوري وهو يتكلم
كان ماخذ الخبز بيده اللي بدون قفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني
وأنا في تلك اللحظة قلت فيه ذباب ابعده عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه
أسئلة المهم من ظمن الأسئلة اللي كان يسئلها وهو يضحك سؤال حسيت السوري من جد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة

استفهام وتعجب كبيره؟؟

وقال معك مفتش الصحية وتعال شوف وجه العامل من زود ماهو احمر من النار
يوم سمع كلمة مفتش الصحية صار وجهه
تقول طماطة وشهب وجهه في نفس الوقت المهم أن الرجال دخل المطبخ حقهم وصار يعطي الملاحظات وطلع واحد من العمال
مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه
المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد لك عشان مصلحتكم ومصلحت الزبائن لو الواحد لو جاه تسمم أو أي مرض انتقل عن طريق العدوى راح يدعي عليكم
ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال
شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك
يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون
أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات
.........................
ولا احلى من اكل المنزل

ودمتم في رعاية الله
منقول

---

gh jytg uk hgvrJJJJJJJJJJJJJ940JJJJJJJJJJJJJJJJJl>>>??!!!

والله موضوع في قمه الروعه.... تسلم يالغالي...

كل مطعم لازم يكون فيه شي .... إستحالة تلقى مطعم نظيف جدا ,, والعمال اللي فيه يهتمون بصحة الزباين ..



يعطيك ألف عافية الموضوع ’’

كلام صحيح والله انا مره شفت البلاوي بمطعم ..


وان شاءالله ابي ادق على 940


يعطيك العافيه

دمت بخير ..

كلامك صحيح

يسلمووو على الموضوع الخيالي صح لازم يصير كذا ورقم 940 خلاص سجلتو في الجوال بارك الله فيك