رحلتي الى مكه ودبجتي الجميله فيذاك

رحلتي الى مكه ودبجتي الجميله فيذاك

بسم الله الرحمن الرحيم
السلام عليكم ورحمة الله وبركاته


هاذي قصه كاتبتها بنت في احد المنتديات


وش اخبااااااااااااااركم كل ابوكم بنيات وعييل(تصغير عيال :هههه:)
اليوم ابي اسدحلكم قصه قميله جدا صارتلي بالزمانات
القصه طال عمركم صارتلي انا انا ايه لا تدور هناك (:هههه:) انا شخصيا
صارتلي يومني يمكن بالمتوسط
السالفه طالي عمري وعمرك تقول: اصبروا هي فيها شوي عنف (صقعه طيحه عري تكشف:ترجيم:)يعني وخروا الوراعين من عندكم عيب :هههه:
مره من المراريت جاء اخوي واختي وقالوا ترى احنا بنروح لمكه وهم متحمسين وتمسك معي الزق( يعني انشب موب ذاك الشي :هههه:) معهم الا بروووووووح ولا تروحون بدوني وماعلي منكم وقطتي عليكم بعد :دموع:
المهم مالكم بالطويله تزهبنا واستعدينا وبما اني معهم ماراحوا بالطياره مسكت يعاندوني ويمسكون خط 8ساعات وقلق وبغيت اقولهم خل نحول عالشرقيه اقصر وقت
واحس ودهم يصفقوني صح اني معطيتهم جو (تمدح ذاتها وعميرها :هههه:)واذا نزلوا للمحطه وجابوا حلاو(تخق عالحلاو بكل اشكاله) قاموا يعايروني بالقطه وانا اذن من طين والا خرى كذلك اهم شي الحلاو :هههه:
المووووهيم وصلنا الى البقاع الطاهره وقعدوا يحوسون على اوتيل يكفي قطتهم الجميله(للعلم هم كانوا مبزره بعد ان كان انا عمري بالمتوسط وانا يومني اخطي وهم يمشون يعني مهوب بعيدين عني واجد قريبه الأعماروكانوا يلعبون فيصل ولد ام بدر هذي برواية امي وفيصل اتوقع انه مو اكبر مني كثير مره يعني يصلح اعرس عليه :ترجيم: <<<صفقوني اذا فهمتوا)
الموووهيم نرجع لمكه لقولهم اوتيل يكفي قطتهم بس انه غرفه وحده يعني لاهوب سويت ولا حالي ولا شي
صعنون وسرير مشترك(واااااااااخزيااااااااه)بس حزروا مين اللي ينام عالكنبه وظهره ينكسر
ايه ايه انا :دموع::دموع::دموع: واخنت حيلي وحليلي
واتغطى بعباتي بعض الأحيان
الموهيم الدنيا رمضان وحركات جميله والشوارع هناك تقول شارع الشميسى والعصارات من الزحمه
عالم ياربي واجدين ماشاء الله
عاد ذاك اليوم يوم وصلنا قررنا ناخذ عمره(اجل وش جايبكم ياذكيه)
طبعا زي ماتعرفون وتعلمون لازم نحرم(قولي قسم :ترجيم:)واذا احرمنا احنا يالبنيات مايصلح نلبس نقاب لازم غطوه(وفي قول اخر شيله مصفوطه طبقات)يعني مافيها خرم ولا فتحه
الموهيم رحنا للحرم يقالك بنفطر بالحرم ونحس بالناس الصايمين(منقهره ا ن اهل الرياض يفطرون قبل :دموع:)
ويوم افطرنا وخلصنا والأجوا جدا قميله ومنعشه وتحس ودك تطير مع الحمام ياناس مكه شي
الموهم
زي ماتعرفون بعد ما الناس يفطرون لازم يغسلون الحرم من اثار العبس (وفي قول اخر فصم) فاحنا واعوذ بالله من ابليس وكلمة احنا
كنا نمشي وانا اخر وحده
وراهم ومتحمسه ومنسجمه اطالع بالحمام ووشلون مايخافون واطالع بالناس اللي تصلي واناظر الكعبه وسبحان الله هالعظمه من جد سبحان الله
وانا بنزل من الدرج على الصحن(مهوب صحن الرز لالالالالا صحن ثاني اللي فيه الكعبه:هههه:)
وعيوني فوق اتفرج على عظمة الخالق واحس قلبي بيطير من هالمشاعر (وبيني وبينكم كنت جوعانه وابي اكل ف تجمعت علي)
وشوي شوي انزل الدرج ومع كل نزله اخذ نفس واشوف اختي تمشي قدامي بمسافه
وقي اللحظات اللي كنت اتفرج فيه درت بعيوني شووووي ولمحت صطل ماء يحمله رجل ما ادري من وين جاء اعتقد هو من ضمن اللي ينضفون الحرم
وفجأه لمحت قطرات وش قطرااات الا شلالات المويه اللي طلعت من السطل على الدرج اللي كنت نازله معه واذا بي ادعس الماء بقدمي و.......................
اطراااااااااااااااااااااااااااااخ مابغت تردني الا الكعبه
وشوي حسيت بهوا
اثر العباة بجهة والغطوه بجهه ورجولي بجهه :دموع::دموع::دموع:
(واخزيااااااااااااااااه)والطامه ان اختي واخوي قد مشوا وراحوا وانا ادورهم:هئ:
واذا بالناس من حولي متجمعين يسمون علي ويكتمون ضحكاتهم
وماحسيت بعمري الا وانا اجمع ماتناثر من العبايه والغطوه وافز بسم الله علي نسيت الالم من قو الفشيله
وارووووووووووووح ركض الحق اختي وصرت امشي جنبها وقلت:سر:بيني وبينها
دريتي وش صار..؟؟؟
قالت لا..
وقلت بنفسي الحمدلله احسن
الا متى بناكل ؟؟؟:هههه: <<<تصرف
ونرجع للأوتيل واقولهم القصه الا ويكعون من الضحك
وشكرت ربي اني ماقلتلهم بالحرم ولا كان معد طلعتهم من هناك من كثر مايضحكون عسى مايححدون مكان الطيحه
ويكتبون عليه هنا سقطت انسه تفاحه
همن عاد حتى احفاد احفادي ماراح ينسون السالفه وبتصير حدث تاريخي
مثل مايقولون يوم يدخل جهيمان بيدلون يقولون يوم تطيح تفاحه خخخخخخخخخخخخخخخخخخخ
وبس ورجعنا الحمد لله سالمين(وابشركم طلعوا القطه من عيني عاد حرام مو كلها بس خلوني اباشر عليهم شوي)
مايستفاد من هيدي القصه القميله(احسكم تقولون ورا ذي ماعنده حرف ج وتقول جميله تصجتنا بالقمل :هههه:)
1\روحوا مكه وخذوا عمره وثوبوها لي :هههه:
2\لاتروحين مع احد ينومك على الكنبه
3\لا تتأملين وانتي راسك فوق طالعي دربك وبلا رخامه
4\اذا شفتي حقين خشبه خشبه الافارقه لاتحارشينهم ابد ترى تصيبس الحوبه :دموع:
5\اذا طحتي لاتعلمين احد انك طحتي عشان مايأرخون بطيحتك
6\ اكثروا من الإستغفار وقولوا لإله الا الله دايم
7\اذا شفتي احد معه صطل وخري عنه تراه يمكن يصير شرير :ترجيم:

*بما ان القصه من زمان قوي اضفت عليها بعض البهارات لأني نسيت التفاصيل :هههه:(ياحبيلي اعلم)
سبحانك اللهم وبحمدك اشهد ان لا اله الا انت استغفرك واتوب اليك

---

vpgjd hgn l;i ,]f[jd hg[ldgi td`h;

سبحانك اللهم وبحمدك اشهد ان لا اله الا انت استغفرك واتوب اليك

قصة والله ونااااسة

وضحكتني لمن طاحت

مسكييييينة

مشكوووور يا غالي ع القصة

عوااافي

أنــــــــا أذا رحت مكه لآ حول ولآ قوة الا بالله دايما لآزم شيء ينسرق مني........ما أدري ليــــــــش.........تسلم ع القصه كووول

هههههههههههههههههههه



الله يعني شكله مايروح لمكه ثاني مره

يعطيك الف عافيه على الموضوع

وعلى القصه الروعه

دمت بالف خير ..