رواية عشقي لك أكبر من غلا إنسان لإنسان إحساس مو كل الشر يفهمونه.. رومنسيه جريئه واقعي

رواية عشقي لك أكبر من غلا إنسان لإنسان إحساس مو كل الشر يفهمونه.. رومنسيه جريئه واقعي

إليكمـ نبذه عن بعض شخصياتي...





{عائلة أبوتركي}


أبو تركي ..محمد.. رجل عصبي مع أولاده تركي وفيصل وحنون مع بناته رانيا – شهد – جوري ويشتغل مهندس وحالته الماديه ممتازه..

أم تركي- فاطمه إمراهـ كل حنان الكون فيها تشتغل معلمه في المرحله الابتدائيه وبنتها جوري معها في نفس المدرسه وتحب عياالها وبناتها وغامرتهم بحنانها وعطفهااا هي فعلاَ نعم الام ونعم الزوجه بناتها يعتبرونها صديقه لهم وام.. <<< وهـ بس ياحبي لك يا أم تركي

تركي : شاب طموح عمره 23 سنه وسيم وشعره يجننن كثيف وناعم ولون بشرته قمحي وسكسوكته تجنن يحب خواته ومايرفض لهم طلب ويدرس في الجامعه ..

رانيا : عمرها 21 حلوهـ وناعمه وحساسه بس تخرب عليها عصبيتهاالزايدهـ ومخلصه ثانوي ومتزوجه توها عروس جديده نجي لوصف جمالها شعرها أشقر وعيونها عسليه وبشرتها بيضاء ومتزوجه ولد خالها ..

شهد : هي احدى بطلات قصتي وربما يكون لها اكبر دور في القصه عمرها 19 سنه لاتقل جمال عن اختها شعرها أسود وكثيف وعيونهااا آآآه من عيونهاا لونها اسود ووساع ورموشها كثيفه ماشاء الله يعني ملاك في هيئة بشردلوعه مره وهي دلوعة أبوهااا اللي مايرفض لها كلمه والباقي من شخصيتها تتعرفون عليها في الاجزاء القادمه

جوري: عمرها 11 سنه حلوه زي اخواتها ودبدوبه شويه وهادئه في بعض الاحيان واغلب اوقاتها مع ريم بنت عمتها واذا تقابلوا تصير مثل ريم مرجوجه ههههههههه

فيصل: ولـد فله مرررره ويحب الونااااسه عمرهـ 9 سنوات دلوع أمه واخواته عقله اكبر من سنه الله يحفظه ماشاء الله..

~~~~~~~~~~~~~~~~~~~~~~~~~~~~~~~~

{عائلة أبو فهد}
أبو فهد نايف : رجال حنون ويحب عياله يشتغل في شركته الخاصه

أم فهد منال : تصير أخت أبو تركي حنونه مره وعلاقتها قويه مع بيت اخوهاا وتحب عيال اخوهاا مره وهم يحبونها ومتعودين عليهاا ومايطلعون الا مع بعض وتحب شهد بنت أخوهااا مررررره وتتمناها لولدها خالد

فهد: شاب طموح وجدي شويه دارس طب في مصر ويشتغل دكتور في مستشفى ؟؟ وعمره 28 ومتزوج وعنده بنت اسمها ملاك عمرها سنه وزوجته أمل عمرها 24 سنه طيبه وهادئه

خالد: عمره 25 سنه يحب وحده من كان صغير يشتغل ضابط .. شاب وسيم عصبي شويه رومنسي ..

ريم : عمرها 12 سنه البنت الوحيده عند أهلها وحلوه ومرجوجه وعربجيه شويه بس تعقل اذا هاوشتها امها ههههه تحب جوري بنت خالها وتعتبرها اختهاا وهم دايم مع بعض..

~~~~~~~~~~~~~~~~~~~~~~~~~~

{عائلة أبو سعود}
أبو سعود / سالم... رجال كل شيء عنده فري وعادي أهم شيء الوناااسه والفله ويصير اخوي ام تركي

أم سعود /ليلي... عكس زوجها محافظه وماتعجبها طريقة أبو سعود في الحياهـ حاولت إنها تغيره بس ماقدرت وصارت تسكت ومالها الاالصبر

سعود/ عمرهـ 25 يشتغل كابتن طيار ومتزوج بنت عمته رانيا وتوهم عرسان جدد كان زواجهم تقليدي بس مع العشره يحبون بعض.

غدير:/ عمرها 22 سنه جمالها متوسط بشرتها برونزيه شايفه نفسها ومغروره وماتحب الانفسها وعايشه حياتها زي ماتبي وابوها معطيها مطلق الحريه في تصرفاتها

عبير/ عمرها 19 كبر شهد بنت عمتها حبوبه وفيها شويه رجه وتحب المغامره واحيان خجوله

مابي أحرق عليكم باقي الشخصيات اللي في القصه في قصتي فيها الحب والرومنسيه والعشق والغيره والمغامرات والكرهـ ووووإلخ راح تكتشفون هالاشياء بأنفسكم
























البارت الأول
في داخل أحد الفلل الفخمه في ارقى الاحياء في مدينه الرياض فتحت عيونها ع إزعاج أخوها فيصل اللي كان يطق باب غرفتهاا ويغني { كل ماسئلت الحلوه منين بتئلي ع الجامعه } هههههههه الاخ يبي يعطي اخته طموح من اول يوم دوام لها.

شهد وهي تصارخ / فيصلوووووووووووووووووووه خلاص اسكت جعلك اللي ماني بقايله مع ذا الصبح
فيصل / يقول لك ابوي قومي يلاااا اليوم أول يوم لك بالجامعه وبنبرة إستهزاء هو اللي يبي يوصل دلوعته
قامت شهد من الفرحه/ صدق فصولي بابا هو اللي بيوصلني
فيصل/ايه هذا كلامه قومي البسي لااقول له انك ماتبين تروحين <<< تعشق الغياب ههههههه
شهد /لا وين مابي اروح انت ناسي انه اليوم اول يوم لي <<< عشانه اول يوم متحمسه هههههههههه
فيصل / طيب يلاقومي
شهد /خلاااص قمت وهي تتمغط الاوتسمع صوت امها
أم تركي /شهوووده
شهد/ اهلين مامي
ام تركي / وش بتلبسين ماقلتي لي

شهد وهي تأشر ع دولاب ملابسها اللي من يوم انقبلت في الجامعه مارحمته من كثر ماتشتري وتحط فيه وتقول لامها / مامي حبيبتي اختاري لي لبس وخلي الشغاله تكويه
أم تركي عصبت من برود بنتها / الحين نايمه وماطلعتي لك ملابس حسبي الله عليك من بنيه قومي طلعي لك انا بروح تأخرت ع الدوام

أم تركي وهي تنادي جوري عشان تجهز جوري جوري

جوري / هلا ماما

ام تركي يلا تأخرنا

واخذت جوري شنطتها وراحت ركبت في السياره مع السايق تنتظر امها ونزلت ام تركي وراحوا

قامت شهد وطلعت لها ملااابس ونادت ع ناني الشغاله

شهد ناااااااااني نااااني

ناني الشغاله/ يس شهد

شهد/ بسرعه خذي اكوي لي هذي الملابس
خذتهم ناني وكوتهم ورجعتهم لها وبدأت شهد تحط ميك اب كانت لابسه تنوره جنز ازرق وبلوزه فوشي وعليها اكسسورات ملونه وحطت ميك اب فوشي وحددت عيونها بالكحل الاسود وحطت قلوس فوشي وطالع شكلها جناااان

وراحت لابوهااا اللي كان ينتظرهاا بالصاله

أبو تركي / والله وكبرتي ياشهوده ودخلتي الجامعه عقبال مااشوفك عروووس
شهد بحياء / للحين يابابا انا دلوعتك ماكبرت
أبو تركي يضحك ع بنته اللي استحت / يلاطيب تأخرتي الساعه 8 وانتي للحين ماجهزتي
شهد: يلا انا خلاص جاهزهـ
ركب أبو تركي وكان مجهز لشهد هديه اللي هي لابتوب جديد

شهد ركبت السياره : هاي
ابو تركي / هلا يبه شهوده حبيبتي خذي هذي شيء بسيط اهديك اياه اليوم وعقبال مااهديك بعرسك

شهد / وهـ فديتك يااحلى ابو بالدنيا ووطبعت بوسه ع يدين ابوهاا

وصل ابو تركي شهد للجامعه وقال لها اذا خلصت تدق عليه
وهي كانت طول الطريق تتصل ع صديقتها عاليه تشوف وصلت ولا لا

دخلت من البوابه وجلست تفسخ عبايتها الاوتشوف عاليه تأشر لها
عاليه / هاي شهوده وحشتيني
شهد/ هاااااي وانتي اكثر
عاليه / واااااااااو شهوده كأن القمر نازل ع الارض
شهد انحرجت / يووووووه علووو تسلمين هذا من ذوقك
عاليه / فديت اللي تستحي يلا ياحلوهـ خلنا نروح نشوف جداولنا وراحو يشوفون جداولهم


أم فهد/ يا أبو فهد قوم شوف ريموهـ ماتبي تقوم تقول تبي تغيب
ابو فهد / الحين اقوم { قام وهو يتأفف
أبو فهد / ريــــــــــموووووووووه ووجع قومي من اول يوم غياب قومي بسرعه
ريم وهي تصارخ بصوتها الخالي من النعومه/ قمت يبه قمت اوووووف الواحد مايرتاح في النومه

ابو فهد اقول كلي تبن وقومي لك خمس دقايق تلبسين وتجهزين عشان اخوك خالد يوديك بطريقه

خالد وشو يبه تبيني اوديها لامايمديني انا تأخرت وعندي شغل فوق راسي
ابو فهد / مايضرك شيء ياوليدي لوتأخرت خمس دقايق
خالد / وهو يحب راس ابوه من عيوني يبه << مايرفض لامه وابوه طلب شايلهم ع كفوف الراحه
لبست ريم ووصلها خالد المدرسه طبعاً طول الطريق وهو يصارخ عليها

عند شهد وعاليه في الجامعه وهم يمشون ويكتشفون الا يرن جوال شهد بأغنية لمني في محجر عيونك اللي حاطتها لعبير

شهد/ هلا والله وينك تأخرتي

عبير/ هي شهود لاتصارخين تراني وصلت ومضيعه انتي وين
شهد/ طيب احنا عند ؟؟ ووصفت لها المكان
وجات عبير لشهد في نفس المكان اللي وصفته لهاا
عبير : وااااااااااااي شهد وش مسويه بعمرك وش هالنيولوك الرهيب

{ شهد طبعاً غيرت لون شعرها وأول مره تصبغه وكانت مسويته اشقر ومخصلته بثلجي وذهبي وطالع عليها يجنن}

شهد بحياء/ تسلمين ياقلبي هاه وش رايك

عبير/ يخقق ياشهوده بسوي مثله ههههههه
شهد/ يطلع عليك يجنن

وكملوا طريقهم وهم يسولفون الافجأهـ تطلع لهم غدير بنت خال شهد واخت عبير

شهد بإبتسامه/ هلا والله بغدوره

غدير بدون نفس وهي تتأفف لان شهد طالعه قمر/ هلا فيك وش هالخرابيط اللي مسويتها بعمرك
شهد عاجبتني

عبير انحرجت من أختها/ غدوره الله يهديك شوفيها زين طالعه قمر
غدير/ أنا وش علي منها قمر ولا شمس اهم شيء اناا أطلع قمر

شهد انقهرت من كلامها / عن اذنك غدوره

غدير يعني اللي يقول الحق ينزعل منه

شهد طنشتها ومشت ولحقتها عبير { شعار شهد الحقران يقطع المصران عشان كذا ماتحب تعصب كثير او تجادل هل مع الايام شخصيتها بتتغير ؟؟}

غدير في نفسها مقهوره من جمال شهد وكشختها

{ وغدير ماتحب شهد ولا رانيا لانهم احلى منها وتحسب انهم يكرهونها عشان كذا تكرههم }

عبير / شهد شهد
شهد/ هلا
عبير/لاتزعلين من غدير ترى ماتقصد
شهد وهي عارفه ان عبير تبرر لاختها :/ متعوده ياقلبووو ع اسلوبها مو شيء جديد

رجع تركي من الجامعه وهو طفشان

أبو تركي وهو معصب/ السلام لله
تركي اسف يبه وحب راسه وسلم عليه
ابو تركي/ تركي روح جيب اختك من الجامعه مافحالي اجيبها تعبان

تركي من عيوني يبه

ابو تركي / لاتكثر هرج وروح جيبها
تركي وهو طالع ان شاء الله يبه مع السلامه
ابو تركي / في حفظ الله


ومرت الايام ع ابطال قصتي ولاجديد يذكر كل من لاهي بدراسته او شغله
وجاء يوم الاربعاء اللي اتفقوا فيه العائله انهم يتجمعون بالاستراحه شهد كانت مبسوطه وتكلم رانيا بالتلفون

شهد/ رانيا أنا اليوم مبسووووطه بس مادري وش سر هالبسطه
راينا/ دوم يمكن عشان من زمان ماتجمعنا
شهد/ يمكن الا اقول رنووش
رانيا/ هلا
شهد/ تعالوا بدري مشتاااقه لك
رانيا/ ان شاء الله إذا جاء سعود بنجي
شهد/ اوكي نتقابل هناك انا الحين بسكر بروح اجهز اغراضي
رانيا/ اوكي وانا بعد بجهز اغراضي انا وسّعودي
شهد/ حركاااات صرنا ندلعه هههههههههه وينك ياسعودها هههههههههه
رانيا / اقول انقلعي اشوف فيك يوم باي هههههه
شهد وهي تضحك / باي

قفلت رانيا من شهد وراحت ترتب اغراضها هي وزوجهاا

وهي تحط الملابس في الشنطه ومنهمكه في الترتيب كانت لابسه برمود الونها اصفر وبلوزه احمر وفيها رسومات بالاصفر والبرتقالي ورافعه شعرها ع فوق وحاطه مكياج خفيف وطالعه تجننن راح سعود من وراها من دون ماتحس وضمهااا وهمس في اذنهاا وحشتيني موووت ياقلبي وطبع بوسه ع رقبتها ورانيا ولع وجهه من الحياء

سعود/ كيفها احلى زوجه بالدنيا
رانيا/ بخير ياقلبي
سعود وهو ضامها للحين / اشتقت لك
رانيا استحت وقالت تبي تصرفه/ سعود حياتي اجهز لك الغداء
سعود وهو يهمس/ ومن قال لك اني ابي غداء
رانيا عصبت/ نعم وش قلت الحين انا اطبخ وفي النهايه جاي تقول لي مابي
سعود ماقدر يمسك ع نفسه ع شكل راينا وهي معصبه وجلس يضحك وهي طلعت من الغرفه معصبه مررررره
وجلست ع الكنبه في الصاله وتهز رجولها

سعود راح لها عشان يراضيها/ رنو حياتي والله امزح في احد تطبخ له رانيا ويقول مابي
رانيا /ــــــــــــــــــــ
سعود: رنو حياتي ردي
رانيا/مابي سعود اتركني بحالي { شوي وتصيح مقهوره منه تعبت وفي النهايه مايبي }

سعود/ يهون عليك حبيبك يموت من الجوع
رانيا تحبه وماتقدر تقول له لا هههههه/لامايهون علي ثواني والاكل يكون جاهز

سعود/ تبين مساعده

رانيا/ نوووو حبيبي

سعود/ وهو يبوسها ع خدهاا أوكي حياتي على بال ماتجهزين الغداء أنا بأخذ لي شور عشان نتغدى ونروح الاستراحه

رانيا اوكي حياتي

أمل/ فهد قوم يلا امك تتصل تقول تأخرتوا
فهد/ اموووله تعبان بس شوي

أمل وهي تصارخ / يووووه أنا طفشت وانا اقومك يلا قووووووووم

فهد/ يوه خلاص لاتصارخين قمت

ملاك/ بابا بابا هي نلوح عند دده { بابا هي نروح عند جده}
فهد وهو يبوس بنته/ من عيون بابا

أمل وهي تجهز الاغراض / فهــد
فهد/ وهي يقرب منها ياعيون فهد ياقلب فهد
أمل وهي تسوي نفسها معصبه لان لو عطته وجه ماراح يروحون / فهد يلا مو وقتك الحين امك عصبت تقول تأخرتوا
فهد انقهر من كلامها /ليه انا قلت شيء مو قته ع العموم يا حياتي يلا تجهزي انتي وملاك أنا بروح البس



خالد وهو نازل من الدرج / يمه يمه
أم فهد / هلا يمه
خالد/ متي بنمشي
أم فهد / اسئل ابوك من تو خالك مكلمه
أبو فهد / وش فيكم
أم فهد/ خالد يسئل متى بنمشي
ابو فهد/ يلا الحين ابو تركي بيمر علينا ونمشي تجهزوا
أم فهد وخالد / إن شاء الله
خالد جالس يودي الاغراض في السياره
وأم فهد جالسه تدعي له ومن بين دعواتها ياجعلي افرح بك ياوليدي مثل مافرحت بأخوك { كانت كل ماتدعي له هالدعوه يقول لها بعدين يايمه مب وقته}

خالد/ امييييييييييييييييييييييين يمه قريب
أم فهد بتطير من الفرحه/ خالد انت تكلم صدق قريب يعني تبيني ادور لك
خالد/ لايمه لاتدورين لي فيه وحده في بالي
أم فهد حز في خاطرها كانت تبي له بنت اخوها/ إذا رجعنا يصير خير
خالد/ دعواتك يمه
أم فهد/ الله يوفقك ويسعدك مع اللي تبيهاا

وصلت كل العوائل للاستراحه..

هذا البارت الأول مافيه أحداث كثيره بس الأجزاء الجايه راح تدور أحداثها حول عنوان القصه


س/ من اكثر شخصيه عجبتكم في الروايه
س/ من تتوقعون خالد يبي يتزوج هل شخصيه من الشخصيات الظاهره ام من الشخصيات التي لم تظهر بعد





انتظر توقعاتكم وردودكم

---

v,hdm uard g; H;fv lk ygh Ykshk gYkshk Ypshs l, ;g hgav dtil,ki>> v,lksdi [vdzi ,hrud

اكثروحدة شهد
فيصل بيتزوج والله ما ادري
بس واحده ما ذكرت في القصه
طيب الحين بيكون موضوعك متجدد ولا لا

موضوعك جميل للغايه وتمتعت بقرائه كلمات الجميله